Sekuestrohen 26.000 euro të padeklaruara në Rinas, procedohet penalisht poseduesi

Paratë e sekuestruara

Një sasi prej 26.500 eurosh janë sekuestruar nga policia kufitare në Rinas paraditen e sotme dhe poseduesi i tyre, i cili nuk deklaroi paratë, është proceduar penalisht.

“Gjatë kontrollit në vijën e dytë të shtetasit J. S. 38 vjeç, i cili do të udhëtonte për jashtë vendit Policia Kufitare në bashkëpunim me doganën, i gjeti këtij shtetasi 26500 euro te padeklaruara në doganën e Rinasit, të cilat u sekuestruan në cilësinë e provës materiale. Në përfundim të veprimeve materialet do ti kalojnë  për veprime të mëtejshme Prokurorisë për veprën penale ‘Mosdeklarimi në kufi i të hollave  dhe i sendeve me vlerë’”, njoftoi Policia.

Një ditë më parë, 100 mijë euro të padeklaruara u sekuestruan në doganën e Muraqinit. /bn/