Ngjarja e rëndë e vdekjes së të riut shqiptar në burgun famëkeq të Greqisë, nuk është më një lajm i ri për opinionin publik. Megjitatë, historia e familjes Aliaj është trefish më e dhimbshme pasi vdekja e Ergest Aliajt shënoi edhe vdekjen e djalit të tretë që humb jetën nga kjo familje.
Dy vëllezërit e tij kishin ndërruar jetë disa vite më parë, ndërsa mësohet se edhe kushuriri i tij ka humbur jetën në moshë të re, po në rrethana të njëjta me Ergesin. Ai mbeti viktimë gjithashtu si pasojë e një përleshjeje në një burg të Greqisë.
Dhimbja e kësaj familjeje është e papërkshkrueshme ndërkohë që nga autoritetet nuk ka ende një reagim. Shqiptarët që vuajnë dënimin në shtetin fqinj janë gjithnjë e më shumë të rrezikuar në burgjet e Greqisë ndërkohë askush nuk mban përgjegjësi për jetët e humbura.
