Gazetari nga Kosova, Berat Buzhala ka komentuar në rrjetet sociale vizitën e Presidenti serb Aleksandar Vuçiç në Tiranë në kuadër të procesit Brdo-Brijun në Tiranë.
Ai ka shkruar që do ishte mirë nëse Vuçiç do të pritej në Tiranë me protesta masive nga qytetarët shqiptarë.
Buzhala heq paralelizmat mbi vizitat e Vuçic në Kosovë dhe thotë që atje ai nuk takon asnjë zyrtar të lartë dhe nuk viziton asnjë institucion. Ndërkohë që në Tiranë Presidenti serb do të pritet si një burrë shteti, dhe nuk do të hyjë fshehurazi. Buzhala shton se ai pritet në institucionet shqiptare edhe pse kurrë nuk është penduar për krimet që ka kryer në Kosovë ndaj shqiptarëve.
Statusi i Plotë i Berat Buzhalës në facebook:
Do te ishte mire qe Vucic te pritej ne Tirane me nje proteste masive. Dikush do te thoshte perse te mos pritet ngjashem ne Kosove? Sepse ne Kosove ai hyn e del pa shkele ne institucione. Nuk i takon kreret e shtetit. Kohe pas kohe i bllokohen rruget me dru e me traktora.
Ne Tirane ai shkon si burreshtetas, e jo tinxa. Ai pritet ne institucione te Republikes, anipse kurre nuk eshte pendu per krimet qe ai dhe shteti i tij i kane kry ne Kosove, mbi shqiptaret.
Kuptohet, nese jemi vllazen.
