Sekretari për Çështjet Ligjore, Çlirim Gjata, komentoi sot mbi qeverinë tranzitore si edhe platformën e opozitës për të bërë të mundur një gjë të tillë.
“Media duhet të dalë përtej asaj se sa do të jetë afati i qeverisë tranzitore. Ajo është platformë nuk është ligj.
Kjo që po bëhet me qeverinë tranzitore është në vetvete politikë. Kjo qeveri derisa është tranzitore nuk mund të bëjnë politika në të gjitha fushat.
Sigurisht që do të zgjasë disa muaj. Në thelb siç u tha edhe dje do të jetë lufta ndaj parave që vijnë nga narkotikët, pastrimi i parave nga oligarkët.
Qëllimi është të ndalojë krimin e organizuar, të na çojë në zgjedhje të lira dhe të qeta”, tha Gjata në studion e Syri.net.
Në vijim ai shtoi se kështu si ka ardhur puna, ky njeri i ka të gjitha pushtetet.
“Kryetari i opozitës i dha drejtim krizës, duke i dhënë drejtimin e përplasjes.
Në momentin që dogji mandatet i tha Ramës që unë kam ardhur të përplasem me ty.
Opozita ka të gjithë popullin me vete. Por kryesorja e platformës është që krimi i organizuar që të mos bashkëpunojë me qeverinë. Dhe kjo do ta zgjidhë krizën.”, tha Gjata.
