Ministrja e Mbrojtjes, Olta Xhaçka, i është bashkuar kolegëve të saj të Rilindjes, me gafat në publik.
Xhaçka ka postuar në rrjet një njoftim lidhur me aktivitetet që do të organizohen nga Forcat e Armatosura dhe Bashkia e Tiranës në datën 5 maj, ditën e dëshmorëve.
Xhaçka shkruan se me rastin e 70 vjetorit të çlirimit, do të përkujtohen dëshmorët e atdheut.
Në fakt vendi është çliruar në 1944 dhe me një matematikë të thjeshtë, nuk është 70 por 75 vjetori.
Për të mos përmendur këtu faktin se data e çlirimit nuk është 5 maji, por zyrtarisht njihet si 29 nëntori, pavarësisht se ka debate mes kësaj date dhe asaj 28 nëntor.
Gjithsesi, duket se ministrja e Mbrojtjes, ose stafi i saj, e ka kapur gafën e bërë dhe e ka rregulluar postimin pas disa orësh.
