Mos hapja e negociatave, korrupsioni, shtimi i krimit, dhe mos ndryshimi i kufijve të Kosovës pas ndërhyrjes së ndërkombëtareve, ishin një goditje mjaft e fortë që kryeministri Edi Rama mori në Berlin, aq sa dhe ai vetë nuk po i besonte më deklarata e tij se takimi me kancelaren Merkel ishte pozitiv.
Për të shpëtuar edhe njëherë pushtetin e tij, kryeministri Rama nuk i ngeli gjë tjetër veçse tu kërkonte ‘miqve’ të tij mediatikë t’i kthenin nderin pas.
Pak kohë pasi shpërbleu me miliona euro TV-të kombëtare si Klan dhe Top, tashmë erdhi momenti që këto dy media të fillojnë shërbimin për të kuruar imazhin e shpërfytyruar të Edi Ramës, pas Samitit të Berlinit.
Po si sot mediat dhe gazetarët po i shërbejnë Ramës?
Fare e thjeshtë, propagando atë që ti do, në mënyrë që të orientosh popullin aty ku ti dëshiron. Po ti hedhësh një sy të shpejtë emisioneve që shfaqen në tv sot, do të kuptosh mjaft mirë gjendjen e rëndë në të cilën ndodhet kryeministri dhe qeveria pas samitit të Berlinit, pasi këtë herë Ramës nuk i ka mbetur gjë tjetër veçse të përdorë dhe armën e fundit, mediat.
‘Opinioni’ i Fevziut këtë të enjte kur mijëra shqiptarë mësynë sërish në rrugë për të protestuar, ka zgjedhur të rehabilitojë figurën e Enver Hoxhës, ndërsa ‘Real Story’ i Sokol Ballës, i ka dhënë gjithë hapësirën e nevojshme Baton haxhiut që ai të interpretojë si do qeveria takimin me Merkelin dhe bisedat për taksën ndaj Serbisë dhe mos ndryshimin e kufijve.
Ndërkohë që nuk ka se si të ngelë pas gazetarja Eni Vasili, e cila në ‘Open-in’ e saj ka ftuar Ministrin e Jashtëm në detyrë, Genti Cakaj, ku ai të rrëfejë versionin e tij të Samitit të Berlinit, dhe të fajësojë BE-në që nuk i hap negociatat Shqipërisë.
Historia përsëritet
Por historia përsëritet edhe pse në versione të ndryshme. Kujtojmë që pak para kapitullimit të Gjermanisë naziste, Hitleri përdori edhe njëherë dhunshme ‘makinën’ e tij të propagandës Joseph Goebbels, i cili u ngjir duke bërë thirrje për një mobilizim të madh të Gjermanëve për të ndalur forcat aleate dhe mos lejonin shkatërrimin e perandorisë së ‘Fyhrerit’, por që në fund as ai nuk mundi të shpëtojë diktatorin e zi nga fundi i tmerrshëm që e priste.
Por nëse Hitleri e kuptoi që nuk kishte më shpëtim dhe zgjodhi të vriste veten, nuk e dimë se cili do të jetë fundi i Ramës, kur dhe ai të kuptojë që nuk ka media të paguar apo simpatizantë të tij që të mund t’i shpëtojë karrigen nga revolta popullore. /Boldnews.
