Portieri legjendar, Iker Casillas pësoi atak në zemër gjatë stërvitjes me Porton ditën e sotme dhe u dërgua me urgjencë në spital.
Bota e futbollit ka reaguar menjëherë duke i dërguar mesazhe të shumta për urim të shpejtë portierit që ka luajtur më shumë se 15 vite me fanellën e Real Madrid dhe atë të kombëtares spanjolle. Gjithsesi, edhe një situatë si kjo ka arritur të krijojë një polemikë, në qendër të së cilës është Real Madrid.
Shkak për shpërthimin e polemikave është vonesa. Lajmi për shtrimin në spital të portierit ka dalë rreth orës 16:00, por postimi i klubit madrilen ka ardhur një orë më vonë, kur shumë skuadra të tjera i kishin uruar më të mirat Casillas-it. Një mungesë respekti që për shumë tifozë të Real-it ka qenë e pafalshme dhe që është përkeqësuar nga mesazhi i Barcelona-s, që ka ardhur rreth 10 minuta para atij të “Los Blancos”.
“Qëndro i fortë, IkerCasillas! Dëshirat tona më të mira për një shërim të shpejtë dhe të plotë”, shkruan Barcelona në Tëitter.
Tifozët madrilen kanë shpërthyer në akuza: “Nuk është e mundur që Barcelona t’i bëjë urimet për një shërim të shpejtë të Casillas para Real Madrid. Duhet t’u vijë turp”, ka shkruar një tifoz në Twitter. “Chelsea, il Manchester City, FIFA, Barcellona… Të gjithë po dërgojnë mesazhe. Po Real-i, çfarë pret? “, ka pyetur dikush tjetër.
