“Nesër në orën 18:00, do të nisë aksioni në 12 qarqet e vendit për bllokimin e akseve kryesore si një intensifikim, si një përshkallëzim i mosbindjes civile”. Paralajmërimin e bëri më herët gjatë ditës së sotme Lulzim Basha, kryetari i PD-së, pas takimin me kryetaren e LSI-së Monika Kryemadhi.
Aksioni opozitar/ Basha: Nesër pasdite bllokohen rrugët në 12 qarqe, ndërsa paradite…
Burime pranë partive opozitare kanë bërë të ditur se cilat janë akset që pritet të bllokohen nesër gjatë protestës 2-orëshe që do të zhvillohet në të gjithë rrethet e vendit.
Edhe pse lista nuk është zyrtarizuar ende, akset të cilat parashikohet të bllokohen nga protestuesit janë:
Tiranë: Te sheshi “Shqiponja”
Korçë: Në hyrje të qytetit
Elbasan: Në aksin Bradashesh-Elbasan
Milot: Rrethrrotullimi i Milotit
Shkodër: Në hyrje të qytetit
Fier: Tek Ura e Sheqit
Vlorë: Në hyrje të qytetit
Dibër: Në aksin nacional Tiranë-Peshkopi
Kukës: Tek ura në hyrje të qytetit
Durrës: Rrethrrotullimi te Plepat
Ndryshe nga protesta e të enjtes së kaluar, është shtuar numri i akseve rrugorë që do të bllokohen, por është zgjatur edhe koha. Ndryshe nga 60 minuta që u bllokuan akset të enjten e kaluar, protestuesit kanë planifikuar të qëndrojnë në rrugë nesër për 120 minuta.
