Banorët e Sharrës kanë dalë në protestë ditën e sotme kundër landfillit në atë zonë pasi sipas tyre po zgjerohet dita ditës dhe po ju merret pronat nga shteti shumë lirë.
“Këto firmat nuk vijnë fare. Nuk e dimë se kush është pronar këtu. Landfilli po zgjerohet me tokat tona. Ko është toka jonë e vjetër e jona. Ata na i rrethuan. Na i kanë marrë tokën bujqësore me 4 mijë lekë të vjetra”, u shpreh një banor.
Ndërsa një tjetër u shpreh se i kanë rrethuar pronën ditën kur i ka vdekur babai. Ai shprehet se ka frikë edhe për fëmijët e tyre pasi atu shkarkohen tonelata me mbetje.
“Komisariat kemi qenë 5 ose 6 herë. Unë do të lija babain mbi dhe dhe të hiqja rrethimin. Nuk na pranon kush ne. Na i kanë rrethuar, unë dua pronën time. Kjo është punë është në mënyrë hajdute. Kemi frikë për fëmijët . Nuk na i ka pjellë lopa fëmijët e tyre. Do i mbroj me kaq tokat e mia.”, u shpreh një tjetër banor.
