Artistët kanë publikuar një foto ku sipas tyre punonjësit e Bashkisë së Tiranës, ishin zgjuar herët për të vajtur rreth orës 04:30, të mëngjesit për të hequr shkronjat e “Teatrit Kombëtar”.
Sipas artistëve këto janë veprime të skuthit Erion Veliaj, por ata nuk janë dorëzuar dhe kanë bërë thirrje për mbledhje fondesh në mënyrë vullnetare, për të vendosur sërish germat në godinën e Teatrit.
“Të dashur miq, Si përgjigje ndaj grabitjes së shkronjave të Teatrit Kombëtar, sot kemi filluar mbledhjen e fondeve vullnetare për rivendosjen e tyre. Kush do të na ndihmojë në këtë përpjekje, mund të vijë të kontribuojë në Sheshin e Teatrit edhe nesër në orën 19.30.Ju faleminderit, Aleanca për Mbrojtjen e Teatrit”, shprehet artistët.
