Siguria ushqimore në vend është problem serioz i shqiptarëve. Flitet çdo ditë në media për mish me turbekuloz, mish me salmonelë, djathë me allçi.
Sokol Stafa, ekspert i certifikimit të produkteve bujqësore në “Top Show” për sigurinë ushqimore ka deklaruar se ministria e Bujqësisë nuk po e pranon faktin dhe kjo sipas tij do të thotë që nuk do të ndryshojë situata.
“Po flasim për siguri ushqimore që na prek të gjithëve. Është hera e parë që një drejtuese e ministrisë thotë që numërimi i kafshëve nuk ka të bëjë me sigurinë. Ajo është gjëja e parë e sigurisë. Kur flasim për sigurinë ushqimore, flasim për familjet tona. Personat që vihen në krye të institucioneve të sigurisë ushqimore janë qoka, prandaj nuk funksionon kontrolli. Është mungesë menaxhimi”, u shpreh eksperti.
