Pak ditë më parë u njoftua heqja e shkronjave në fasadën e Teatrit Kombëtar, veprim ky që u pasua me depozitimin në prokurorinë e Tiranës të një padie për nisjen e hetimeve.
Më pas në rrjet u publikuan foto që tregonin sesi punonjës të Bashkisë së Tiranës, hoqën shkokronjat.
Ndërkohë sot Aleanca për Mbrojtjen e Teatrit ka ndërmarrë një nismë me qëllim mbledhjen e fondeve për rivendosjen e tyre.
“Si përgjigje ndaj grabitjes së shkronjave të Teatrit Kombëtar, sot kemi filluar mbledhjen e fondeve vullnetare për rivendosjen e tyre. Kush do të na ndihmojë në këtë përpjekje, mund të vijë të kontribuojë në Sheshin e Teatrit edhe nesër në orën 19.30”, njofton në rrjet Aleanca për Mbrojtjen e Teatrit.
