Gazetari Kastriot Myftaraj ka zbuluar, sipas tij, disa prapaskena për krijimin e Bindjes Demokratike, por edhe për ish-nënkryetarin e PD-së, Astrit Patozi.
Myftaraj tha në studion e Oraneës se Patozi, që sot drejton Bindjen, nuk ka qenë themelues i PD-së sikundër thuhet, por i PSD-së së Skënder Gjinushit.
“Është ngritur gjithë makineria propagandistike e shtetit dhe po krijon një kult të Patozit. Një kult me të pavërteta. Tani Patozi një nga themeluesit e PD-së?
Astrit Patozi ka qenë një nga themeluesit e partisë së Skënder Gjinushit, PSD në vitin 1991, ka qenë në degën e Kavajës, ndër nismëtarët. Ka qenë anëtar i Komistetit Ekzekutiv pluralist, të Durrësit nga PSD dhe si punëtor i unzinës së gozhdë-bullonave i duhej edhe një punëtor”, tha Myftaraj.
Ndërkohë për krijimin e Bindjes Demokratike, Myftaraj u shpreh se e ka krijuar Patozi me porosinë e Edi Ramës dhe me ndërmjetësinë e Mero Bazes.
“Partinë e ka krijuar me porosinë e Edi Ramës me ndërmjetësinë e Mero Bazes. Këtë e dinë.
Astrit Patozi, siç e di mirë Blediani rri gjithë ditën me Mero Bazen. Dhe trusti i lojërave të fatit është ai që po e financon partinë”, theksoi Myftaraj
