Kanë ndërruar jetë në spital dy të rinjtë të cilët u përplasën me armë zjarri mbrëmjen e sotme në qytetin e Laçit.
Mikel Jushi 35 vjeç dhe Jani Jushi 30 vjeç, kanë ndërruar jetë si pasojë e plagëve të marra gjatë shkëmbimit me armë zjarri me një tjetër grup rival.
Njëri prej kushërinjve ka mbetur i vdekur në vendngjarje, ndërkohë policia e raportoi më herët të plagosur.
Ndërkohë që policia ka rrethuar Laçin dhe është vënë në ndjekje të autorëve si dhe ka shoqëruar disa dëshmitarë okularë për ti marrë në pyetje.
Ja njoftimi i policisë:
Sot rreth orës 20:15 në lagjen nr. 1 Laç, afer një lokali ka patur të shtëna me armë zjarri.
Për pasojë dyshohet se kanë mbetur te plagosur 2 shtetas, M.J dhe J.J., të cilët janë dërguar në gjendje te rëndë per jetën në Tiranë për ndihme mjekësore.
Në vendngjarje mberriten shërbimet e Rendit dhe të Policisë Kriminale, që kanë nisur punën për zbardhjen e rrethanave të ngjarjes, identifikimin e autorëve dhe përballjen e tyrë me drejtësinë.
Disa shërbime të tjera policore kanë ngritur pika kontrolli dhe po vijon shoqerimi i përsonave që mund të kenë dijeni për rrethanat e ngjarjes.
Për shkak të hetimit nuk mund të bëhen publike të tjera detaje qe lidhen me ngjarjen.
