Alketa Vejsiu ka qenë ditën e djeshme në fashatin Mushqeta, fshat i cili është bërë i njohur pas pjesëmrarjes së Xheisonit të vogël në emisionin për fëmijë “Në kurthin e Piter Pan”. Xheison është një fëmijë ndryshe nga të tjerët, i rritur në fshat por me një zgjuarsi dhe mirësi që rrallë e gjen tek fëmijët e brezit të sotëm.
Pikërisht kjo cilësi e Xheisonit nga Mushqetaja, e bëri Alketën dhe Verën ta përzgjidhnin si pjesë të fëmijëve të këtij edicioni. Ai tashmë është kthyer në të preferuarin e publikut. Alketa shpesh herë në emision ka përmendur se do t`i ndryshojë jetën këtij djali.
E për ta bërë këtë, Alketa ka kërkuar ndihmën e ndjekësve të saj, fansave dhe kujtdo që e pëlqen Xhesionon.
Statusi i Alketës
Ka qene nje dite shume speciale kjo sot ne nje fshat ku s’me kishte rene kurre rruga; por fati te percakton shpesh rruge qe si ke imagjinuar.
Mushqeta eshte nje fshat i famshem tani sepse @xheison.bafti_official e ka bere qe ne ta njohim dhe ta duam! Natyra ishte vertete e mrekullueshme dhe aty kam kuptuar se pse fshati ben kaq shume vend ne jeten e ketij djali! Por mora dhe nje mesim te madh jete; fytyren e dashur te Xhejsonit qe vetem fal dashuri, qesh, perqafon prinderit, kujdeset per shoket, modeli i njeriut te mire qe i duhet shoqerise edhe pse jeton ne nje shtepi ku dheu ka rreshkitur, çimento eshte e çare, ku tavani mund te bjere dhe shiu futet brenda litar litar dimer vere…
Megjithate familja e Xhejsonit nuk u ankua, me percollen me lule dhe veze fshati edhe pak qepe te njoma te mbjella nga gjyshja.
Ika qe aty dhe dua tju kerkoj nje ndihme! Nuk e di si funksionon por deri te henen ne spektakel do ta kem zbuluar rrugen zyrtare.
Kerkoj ndihmen tuaj qe ne nje llogari bankare transparente per publikun, te japim nje kontribut sado te vogel per ti sistemuar nje shtepi ketij djali qe jam e bindur “do ja dale te beje dicka te mire ne kete jete”.
Nuk eshte nje preference personale eshte rasti qe vertete mes maleve te Krrabes nje mrekulli mund te ndodhe. Nje shtepi dhe nje mundesi edhe me e mire shkollimi ( ndoshta ne Tirane), duhet per Xheisonin. Ne plot vende te botes kur ka femije me IQ te larte e te spikatur, ka politika sociale qe investojne qe keto mendje te vecanta te rriten dhe te zhvillohen!
Sme kerkuan asgje, s’me eshte ankuar askush, por me dinjitetin e njerezve punetore dhe te thjeshte me priten dhe percollen me nje buzeqeshje!
E di qe ka plot Histori te tjera qe meritojne vemendje, ndoshta edhe me te dhimbshme; po te kisha nje shkop magjik do perpiqesha per te gjjthe me shume dashuri! Si fillim pak magji ne jeten e ketij djali, per gjithe miresine qe na ka falur! Donacionin e pare e dhuroj me shume deshire vete dhe nje pjese te ketij investimi do ta mbuloj vete personalisht! Por smund t’ju perjashtoj te gjithe juve qe ndjeni se duhet te jeni pjese! Pres te me bashkoheni. Detajet keto dite. Na ndiqni te henen…❤️
Faleminderit!
Por, menjëherë pas këtij postimi, fansat kanë reaguar negativisht ndaj moderatores duke i rikujtuar se më shumë se sa fama dhe buja ka rëndësi që veprat e bamirësisë të bëhen ne heshtje.
