Kryeministri Edi Rama u ndal në Elbasan këtë të shtunë në kuadër të fushatës elektorale për zgjedhjet lokale, i pagëzuar si turi “Bashkia që Duam”.
Shefi i qeverisë e nisi fjalimin e tij duke ofenduar qytetarët që më herët gjatë kësaj të shtune, protestuan te rreth-rrotullimi i Bradasheshit kundër Ramës dhe qeverisjes të tij. Qytetarët, të lodhur nga qeverisja e orkestruar nga Rama, siç u shpreh një prej protestuesve, shefi i ekzekutivit i quajti të “verbër”.
Më tej gjatë fjalës së tij, teksa sulmoi opozitën për protestat që zhvillon, bëri një paralelizëm midis Cristiano Ronaldos dhe vetes së tij. “Ajaksi fitoi jo duke djegur goma, jo duke thënë ndërroi skuadrën sillni një skuadër tjetër dhe çoni Kristjano Ronaldon në shtëpi…”, u shpreh.
Më tej, listoi edhe rritjet që sipas tij ka arritur qeveria. Një prej të cilave, siç artikuloi, është edhe ulja e numrit të vrasjeve.
“Kemi përgjysmuar numrin e vrasjeve, e kishin 110 vrasje në vit, ne e kemi 50-60, gjysma”, tha Rama, duke folur për statistikat e Policisë, që në raportin vjetor, “de facto” llogarit 8 të vrarë si një vrasje dhe në fund të vitit raporton për sukses.
/Boldnews.al/
