“Ylli Merkaj, Sekretari i Përgjithshëm i KQZ-së është ndaluar nga policia në Tiranë pasi është kapur në timon në gjendje të dehur dhe ka ofenduar efektivët. Por, ka ndërhyrje ‘nga lart’ për të bërë të mundur lirimin e tij dhe shmangien nga përgjegjësia ligjore”.
Denoncimi bëhet nga ish-kryeministri Sali Berisha, i cili publikon dhe një mesazh për të cili thotë se ka ardhur në adresë të tij. Në mesazh, dërguesi prezantohet si “polic i komisariatit numër 3”.
Përmes një statusi në faqen e tij në Facebook, Berisha shkruan: “Narko sekretari i pergjithshem i KQZ i dehur tape zihet dhe shan me fjalor banditi policin ne detyre. Nderhyrje te fuqishme nga lart per lirimin e menjehershem te tij dhe fshehjen e ngjarjes banditeske te narkosekretarit te pergjithshem! Kaq vlen per narkoqeveritaret dinjiteti i nje polici ne raport me nje narkozyrtar te larte! Turp! Sb”
