Janë luajtur ditën e sotme 7 takimet e vlefshme për Kategorinë e Parë. Pas fitores së sotme dhe barazimit të Besës në Lushnjë, Bylisi është shpallur zyrtarisht kampion dhe ka siguruar matematikisht ngjitjen në Kategorinë Superiore. Ballshiotët janë shkëputur me tetë pike, kur mbeten edhe 2 ndeshje për tu luajtur.
Ndërkohë në sfidat e tjera të Grupit B Elbasani dhe Turbina kanë triumfuar, duke zhytur Tomorin në fundin e renditjes. Verdhezinjtë mposhtën Apoloninë me rezultatin 1-0, ndërkohë cërrikasit triumfuan ndaj Pogradecit me rezultatin e pastër 2-0.
Për sa i përket përballjeve të Grupi A, Iliria mposhti Burrelin me shifrat 1-0 në përballjen e vlefshme për fazën “Play Out”, ndërkohë që Vora u mposht nga Veleçiku. Ja të gjitha rezultatet:
REZULTATET:
GRUPI A- “PLAY-OFF”
Korabi-Erzeni 1-1
(Lajthia 6′ / Skuka 57′ (p))
GRUPI A- “PLAY-OUT”
Iliria-Burreli 1-0
(Xhabrahimi 25′)
Vora-Veleçiku 0-1
(Banushaj 11′)
GRUPI B- “PLAY-OFF”
Lushnja- Besa 1-1
(Gjyla 7′ / Çelhaka 53′)
Orikumi-Bylis 0-2
(Guindo 26′, Peposhi 49′)
GRUPI B- “PLAY-OUT”
Turbina-Pogradeci 2-0
(Bakiu 9′, Burdufi 46′)
Elbasani-Apolonia 1-0
(Lleshi 3′)
