Një sasi e konsiderueshme kartëmonedhash me prerje 20 dhe 50 mijë lekë po qarkullon në vend. Alarmin e jep një kompani që furnizon bankat dhe zyrat e këmbimit valutor me produkte të numërimit, me pajisje të kontrollit të kartëmonedhave.
Në faqen në Facebook, kompania në fjalë, duke iu referuar burimeve nga pikat e këmbimit valutor, bën me dije se paratë janë të një cilësie maksimale dhe të padallueshme në prekje.
“Seri e re falsosh të Lekut, të prerjeve 2000-5000 LEK ka mbërritur në Shqipëri, 17 raste të verifikuara vetëm në agjensitë e këmbimit valutor dhe pikat e karburanteve në dy ditët e fundit”, thuhet në postimin në Facebook.
