Një fëmijë 6-vjeçar humbi jetën rreth 8 muaj më parë në Divjakë, ndërsa u përplas për vdekje nga një automjet tip “Benz”, që drejtohej nga një 35 vjeçare.
Ngjarja tragjike u investigua nga emisioni Boom, sipas të cilit edhe pse në vendin ku u shkaktua aksidenti shpejtësia e lejuar është 20 km në orë, ky fakt nuk merret parasysh nga Prokurori i çështjes.
Në pamjet filmike shihet qartë shpejtësia e madhe e mjetit në momentin që ka përplasur për vdekje djalin 6 vjeçar.
Lidhur me ngjarjen e rëndë ka reaguar Nisma Thurje, e cila i drejton disa pyetje prokurorit të çështjes që nuk pranoi si provë pamjet filmike, për “ekspertët” që konkluduan se fajin e ka viktima, për gjykatësit e apelit që vendosën se pushimi i çështjes ishte i drejtë, për ministren e Drejtësisë.
Postimi i Nisma Thurje
DREJTËSI PËR AVRAMIN
Pyetje për prokurorin e çështjes që nuk pranoi si provë pamjet filmike, për “ekspertët” që konkluduan se fajin e ka viktima, për gjykatësit e apelit që vendosën se pushimi i çështjes ishte i drejtë:
Sa euro kushton jeta e një fëmije 6 vjeç?
Kur mohuat faktet, kur i shtrembëruat ato, kur ia vodhët drejtësinë familjes, sa ia vutë çmimin fëmijës?
Na thoni ta dimë sa na vlejnë fëmijët tanë?!
Sa?
Ti Ministrja e Drejtësisë, ky investigim është publikuar nga Ora Neës prej disa ditësh dhe ende nuk ke reaguar, sa po mendon tia vësh çmimin Avramit?
Në euro apo në lek? Apo në dollarë?
Sa?
Ti që ske lidhje me këtë histori por komenton me keqardhje “ua sa keq”. A e kupton tani se sa kushton heshtja??
Sepse nëse nuk heshtim, krimet ndëshkohen, e nëse ndëshkohen nuk përsëriten kaq shpesh, kaq hapur..
BOLL HESHTËM!!!
DUAM DREJTËSI PËR AVRAMIN!
Nëse Ministria nuk merr masa, të rishikojë gjithë proçedurën e ndjekur nga prokuroria, ekspertët, opgj dhe gjykata, do ta rihapim ne çështjen duke sjellë prova të reja.
Boll u bë tregti me vdekjen!
