Skandali që u publikua disa ditë më parë lidhur me cilësinë e produkteve ushqimore që konsumojnë shqiptarët, duket se më në fund ka rënë në veshët e autiriteteve.
Pak ditë pas publikimit të këtij skandali, ka ardhur edhe reagimi i Prokurisë. Sa i përket verifikimit dhe hetimit të çështjes së bërë publike në media, Prokuroria ka falenderuar median për zbardhjen e kësaj ngjarjeje ndërkohë që ka njoftuar edhe për nisjen e hetimeve duke i deleguar proçesin Prourorisë së Beratit.
Njoftimi i Prokurorisë
Duke marrë shkas nga denoncimet e fundit të medias së shkruar dhe asaj vizive mbi sigurinë ushqimore, ditën e djeshme, Prokurori i Përgjithshëm i është drejtuar prokurorisë së Beratit si prokurori kompetente me një kërkesë të menjëhershme për vlerësimin ligjor të të gjitha rrethanave dhe fakteve të dyshuara që mund të përbëjnë vepër penale.
Përfitojmë nga rasti të falënderojmë median e njëkohësisht t’ju bëjmë thirrje të gjithë prokurorëve të ushtrojnë funksionet e tyre duke qenë të ndjeshëm dhe të vëmendshëm ndaj të gjitha burimeve të hapura të informacionit për ngjarjet sensibilizuese dhe me ndjeshmëri për opinionin publik.
Prokuroria e Përgjithshme, në mungesë të kompetencës për të nisur kryesisht hetime, në mënyrë të vazhdueshme u ka kërkuar të gjithë prokurorëve që pavarësinë e tyre ta vendosin në shërbim të zbatimit të ligjit për të rritur besueshmërinë e publikut.
DENONCO