Kryetari i Partisë Demokratike, Lulzim Basha ka premtuar se programi i PD-së për shëndetësinë parashikon që të rrisë rrogat e mjekëve në 1.200 euro dhe të infermierëve në 700 euro.
Basha tha se këto paga janë realitet tanimë në Kosovë. “Me vullnetin e duhur politik mund të behet gjithçka”, deklaroi kreu i opozitës. Deklaratat i bëri në hapjen e takimit rajonal “Sistemet shëndetësore, vizione dhe sfida”. Një konferencë që mbështetet nga Fondacioni Konrad Adenauer me pjesëmarrjen e eksperteve gjermane, franceze, shqiptare nga Shqipëria dhe Kosova.
Kryedemokrati Basha u shpreh se “sistemi i shëndetësisë është në gjendje kome, dhe është një nga problemet kryesore që kemi e që kërkon një zgjidhje emergjente”.
“Problemet s’lindën sot, por shqiptarët paguajnë më shumë dhe ofrohen shërbime më të këqija se ndonjëherë. Këtu vendoset si do zhvillet korrupsioni dhe rreth asaj ndërtohet PPP-ja”, tha Basha, duke përmendur më tej disa nga kontratat koncesionare që sipas tij dëmtojnë buxhetin e shtetit.
“PPP e sterilizimit – paratë e taksapaguesve në vend që të shkojnë në buxhetin e shëndetësisë, i jepen kësaj firme në Bolonja me një murator për të bërë një punë për të cilën qytetarët shqiptarët kanë paguar dy herë.
Check-up-i – Na i nxjerr burrat me barë dhe gratë me probleme prostati.
Rënia e farmaceutikës në kthetrat e oligarkëve është pjesa më korruptive që ka njohur shqiptaria dhe Ballkani në këto 29 vite.
Mashtrim i madh për shëndetësinë falas – që është 25 euro për kokë, 10 herë nën mesataren eurpiane. 60 përqind e shpenzimeve shqiptarët i paguajnë direkt nga xhepi”, tha Basha. /bn/
