Kryetari i grupit parlamentar të PS-së, Taulant Balla është shprehur i bindur se zgjedhjet në 30 qershor, do të zhvillohen.
“Është momenti i rëndeshim ku populli do zgjedhë 61 kryetarët e bashkive. Demokracia është i vetmi sistem ku partitë ftohen te konkurrojnë, një parti qe vendos të mos konkurroje humbet funksionalitetin”, tha Basha, në një prononcim për gazetarët pas një takimi me dy deputetë gjermanë.
Do të ketë marrëveshje me PD për regjistrim qoftë edhe jashtë afateve që parashikon ligji?
Pyetjes, Balla iu përgjigj duke thënë se “respektimi i afateve është detyrim i çdo aktori politik”. “Kjo varet nga vete drejtuesit e partive qe përmendet”, tha më tej.
“Zgjedhjet do zhvillohen. Arsyeja pse PD është jashtë parlamentit s’ka të bëjë me ne, por me fatin që Bahsa s’do të marrë pjesë në zgjedhje, sepse kërkon pushtet në tavoline”, shtoi ai.
Një ditë më patë, kryetari i PD-së Lulzim Basha u shpreh se nuk ka zgjedhje pa opozitën më 30 qershor, datën e dekretuar nga Presidenti për zhvillimin e zgjedhjeve lokale. Opozita e bashkuar, tanimë jashtë parlamentit, ka vënë si kusht “të panegocieshëm” largimin e Edi Ramës dhe formimin e një qeverie teknike për përgatitjen e zgjedhjeve të lira e të ndershme. /BN/
