Jose Mourinho do të jetë përsëri trajneri i Interit në sezonin e ardhshëm. Kështu të paktën e mendojnë në Spanjë, ku prestigjiozja “Don Balon” ka saktësuar se tekniku ka një akord me zikaltërit dhe për më tepër, ka bërë një listë me kërkesa për të përforcuar ekipin.
Sipas të njëjtit burim, trajneri është zgjidhja që klubi ka gjetur për të ringritur skuadrën në nivelet më të larta e për të fituar përsëri trofe, duke llogaritur se Murinjo ka fituar të tillë kudo që ka shkuar, përfshirë edhe Mançester Junajtid nga i cili u largua si dështim.
Portugezi ka hartuar listën e tij të dëshirave, ndërsa Interi ka bërë të parën me sigurimin e Godin, në vend të Miranda që do të largohet në verë. Më pas, Murinjo kërkon që në qendër të mbrojtjes të ketë Varan, lojtar i cili do të largohet nga Reali por që kushton 80 milionë euro. Zikaltërit janë gati të financojnë këtë dëshirë të tij duke sakrifikuar Skrinjiar i cili ndiqet nga PSG dhe dy klubet e Mançesterit.
Në mesfushë ndiqet me interes Modric, ndërsa ëndërrohet kthimi i Kutinjos, për afrimin e të cilit do të sakrifikohej Perisici cili i intereson Mançester Junajtid. Më shumë do të mësohet në javët në vazhdim, por spanjollët e bëjnë fakt të kryer kthimin e Murinjos te skuadra italiane.
