Nga Boldnews.al
Ikje për të mos u kthyer kurrë, ose për tu kthyer me shpresën se diçka do të ndryshojë. Kjo ka qenë moto e shumë azilantëve, të moshuar, të rinj, fëmijë e foshnja në gji të nënave të reja. Ata janë të zhgënjyer. Shteti i tyre, Shqipëria jonë, i braktisi, ndërsa bota nuk i pranoi.
Përse ikin shqiptarët për azil në një nga vendet e BE-së! Janë të varfër, të papunë, e mbi të gjitha të pashpresë. Mungesa e shpresës është kthyer në motivin kryesor që më shumë se 350 mijë shqiptarë emigruan në vendet e ndryshme të Europës. Por edhe atje fati nuk u ka ecur pjesës më të madhe, të cilëve u është refuzuar azili.
Disa janë kthyer vetë, të tjerë presin verdiktin e fundit, ndërsa shumë të rinj kanë thyer çdo rregull dhe jetojnë e punojnë në të zezë.
Të dhënat për për numrin e azilantëve shqiptarë janë mëse alarmante duke e krahasuar për numrin e popullsisë. Sipas statistikave të Eurostat, rezulton se në vitin 2018, për çdo 1,000 banorë aplikuan 6.6 persona, duke u renditur të parët në botë për nga numri i aplikimeve për azilantë në raport me popullsinë.
Eurostat publikoi sot se mbi 300 mijë azilkërkues kanë përfituar mbrojtje në një nga shtetet e BE-së, ku 35% e tyre ishin sirianë. Shqipëria ka përqindjen më të ulët të njohjes së kërkesës së tyre për azil që herën e parë, me vetëm 8%, duke kaluar vetëm Gjeorgjinë me një normë prej 5%.
Shqipëria është klasifikuar si vend i sigurt i origjinës, por sërish mbetet në 25 vendet me numrin më të lartë të aplikimeve për azil në një nga shtetet e Bashkimit Europian. Në raport me popullsinë, Shqipëria mban rekordin në botë për numrin e lartë të azilkërkueseve, edhe pse kanë një normë shumë të ulët të njohjes së kërkesës së tyre.
E sërish kjo nuk përbën problem për kryeministrin Edi Rama. Ai vijon fushatën në të gjithë vendin. Tregon përralla të një shqipërie imagjinare, që sipas tij lulëzon çdo ditë nga puna e përditshme e qeverisë së Rilindjes. Kurrë nuk ka pyetur sa qytetarë janë larguar në rrethin që viziton? Me siguri këtë shifër nuk e dinë as kryebashkiakët Rilindas, ata që përfaqësojnë “bashkinë që duam”…
Të mendohet se 350 mijë qytetarët shqiptarë që kaluan një herë nga bota perëndimore për azil dhe iu refuzua, që të bëhen bashkë. Shpresën ua vrau qeveria, e sikur të mos mjaftojë vetëm kjo, Rama i përbuz, flet me cinizëm, e përçmon “këtë kategori’, por në të vërtetë janë çereku i popullsisë sonë që në gjashtë vite qeverisje të Ramës u detyruan të degdisen udhëve të Europës, me shpresë se do marrin azil.
Kur ajo u refuzohet, detyrohen të paketohen si të depërtuar, të përçmuar jashtë, e të “urryer” këtu nga qeveria jonë. Rama nuk do as ti dëgjojë, sepse sipas tij ata i prishën imazhin e një shqipërie tërësisht haluçinative të botës së tij virtuale.
Nëse bëhen bashkë 350 mijë qytetarë shqiptarë që ikën për ail Rama është i rënë, për 24 orë është ai që do kërkojë “azil” për vete, jo në ndonjë vend të BE-së, por diku në Amerikën Latine, ku mund të gjejë të singjashim e tij autoritarë.
