Edhe gjatë ditës së sotme kanë vazhduar protestat kundër mjekëve të spitait në Elbasan, pikërisht aty ku humbi jetën Rexhina Debrova. 25 vjçaraj që shfaqi komplikacione pas lidnjes dhe humbi jetën vetëm disa orë më pas.
Me pankartat në duar ku shkruhej, “Edhe unë mund të isha Rexhina”; ” Kush do t’i japë gji Aleas”; “Sa vlejmë ne nënat”… dhjetëra gra u bashkuan në këto homazhe për vdekjen e Rexhina Debrovës.
Shoqet e nënës së ndjerë u përlotën dhe u zotuan se të voglës Alea nuk do t’i mungojë dashuria.
“Princesha jonë Rexhina, të kishim motër e jo shoqe, të morën të mallkuarit prej nesh e na lanë një brengë të madhe. Alean do ta duam dhe do t’i japim gjithë dashurinë e botës që ti nuk mund t’ja jepje,”- shkruhet në pankartën që mbajnë në duar shoqet e 25-vjeçares.
Një ditë më parë familjarët e të resë protestuan përpara Gjykatës së Elbasanit , ku u dhanë masat për mjekët e arrestuar, në lidhje me këtë ngjarje. Kardiologu, Mehmet Ibaj dhe reanimatori Nikollaq Thana, u lanë nën masën detyrim paraqitje.
Rexhina Dobrova ndërroi jetë tre ditë më pare në spitalin e ELbasanit, një orë pasi solli në jetën fëmijën e saj të parë.
