Mbrojtja e Dritan Dajtit, bën kundra rekurs ndaj rekursit të Prokurorisë së Apelit për Krime të Rënda.
Me argumentin se ankimi i prokurorisë së Apelit nuk është bërë nga prokurori i dosjes, por nga një tjetër, Dajti pretendon të mos pranohet rekursi i prokurorisë si i bërë në kushte joligjore.
Kujtojmë se tre muaj më parë, Dajti u dënua me 25 vite burg për vrasjen e 4 policëve, pas 10 vitesh proces.
Pas këtij vendimi, Edi Rama urdhëroi nisjen e hetimeve për gjyqtarët, në tentativë për t’u përballur nga akuzat e opozitës, sipas të cilës, zbutja e dënimit për Dajtin mban emrin e kryeministrit.
Edi Rama komentoi vendimin e trupës gjykuese prej 5 gjyqtarësh, ende pa u zbardhur vendimi i Gjykatës. Por, ky koment ishte i mjaftueshëm për Arta Markun dhe mikeshën-vartëse të saj tek Krimet e Rënda, Donika Prela, për të nisur hetimin ndaj gjyqtarëve, si edhe për ushtruar kontrolle në banesa.
Pas kontrollit pa asnjë bazë logjike dhe ligjore, policia nuk zbuloi asgjë kompromentuese në shtëpinë e gjyqtarëve. Ndërkohë, kjo situatë vendosi një precedent shumë të rrezikshëm në drejtësinë shqiptare. Atë që, vendimet që nuk i pëlqejnë Edi Ramës, të shndërrohen në ‘gjueti shtrigash” për gjyqtarët. /bn/
