Opozita prej orës 18:00 ka nisur një protestë të shpërndarë në 5 akse kombëtare duke bllokuar tërësisht qarkullimin për të gjitha rajonet e vendit.
Kjo është protesta e parë e këtij lloji që organizohet nga opozita.
Disa mijëra qytetarë i janë përgjigjur thirrjeve për këtë formë proteste, e cila është një nga format e mosbindjes civile, ndërsa policia i ka konsideruar grumbullimet të paligjshme.
E ndërkohë, mes protestuesve janë zbuluar agjentë civilë, që janë denoncuar dhe janë larguar.
Sekretari për Burimet Njerëzore të PD, Seit Dollapi, ka kontaktuar edhe me drejtuesit e Policisë duke i kërkuar të shmangin provokimet.
Nga protesta janë larguar 4 persona të identifikuar si civilë në rradhët e protestuesve.
