Lajmi i ndarjes nga jeta të Rexhina Debrovës (Cani), ka prekur thellë familjarët, të afërmit shoqet dhe miqtë e saj. Askush nuk ka dashur ta besojë këtë fund tragjik të nënës së re e martuar që priste në jetë fëmijën e saj të parë.
Të gjithë e përshkruajnë si një vajzë të dashur me një buzëqeshje ëngjëllore që do të jetë gjithnjë e tillë në kujtimet e tyre.
Mjaft prej tyre e kanë ndarë dhimbjen në rrjetet sociale.
Fill pas publikimit të këtij lajmi të trishtë, kanë vërshuar qindra ngushëllime të sinqerta edhe nga ata që nuk e kishin njohur kurrë më parë Rexhinën. Sepse rrethanat e humbjes së saj janë vërtet pikëlluese për këdo. Ja se çfarë shkruajnë disa nga të afërmit dhe shoqet e saj.
Lidhur me ngjarjen e 22 Prillit, u arrestuan dy mjekë të spitalit të Elbasanit, kur e reja humbi jetën gjatë lindjes. Më pas u liruan nga gjykata që vendosi masën e sigurimit deturim paraqitje. Familjaret akuzuan mjekët për neglizhencë, ndërsa spitali deklaroi se mjekët bënë detyrën me përkushtim, por 25-vjeçares iu shfaq një komplikacion.
Sipas ekspertziës, 25-vjeçarja humbi jetën si pasojë e koagulimit, mpiksja e gjakut në vena. /bn/
