Homazhe pritet të zhvillohen ditën e nesërme në Maternitetin e Elbasanit, për ndarjen nga jeta të Rexhina Debrovës.
Përmes rrjeteve sociale është bërë thirrje për pjesëmarrje në homazhet e planifikuara të nisin në orën 10, në spitalin ku ndërroi jetë 25-vjeçarja të hënën, 1 orë pas lindjes së fëmijës së parë.
Në mesazhin e shpërndarë në rrjetet sociale, ku bëhet thirrje për pjesëmarrje, shkruhet:
Thirrje per Jeten!
Edhe un mund te isha Rexhina!
Ne, nenat … ne qe e kemi provuar dhimbjen e lindjes. Ne qe dhurojme jeten, ne qe e dime sesa e bukur, emocionuese eshte te lindesh nje femije. Ne, nenat qe e provuam dhimbjen dhe e harruam ate kur ne krahe mbajtem krijesen tone. Ne nenat e dime qe Rexhina e donte shume krijesen e saj. Ajo nuk ishte e palexuar, ajo kerkonte dhe donte te bente zgjedhjen me te mire per Alean….Ajo iku e deshiruar per aromen e bijes se saj. Ne nenat , ne qe lindem e jemi ne jete ne mund te ishim Rexhina. Rexhina, eshte per ne sot kembana e alarmit! Sa vlejm ne nenat? Ne qe zvarritemi shpesh here dyerve te spitaleve, ne qe shohim ne syte e mjekeve me shprese! NE JU BESOJME JETEN!!! E pra ne, ne nenat sot kemi te drejten me legjitime Tju kerkojme Llogari! Ne nenat duam te dime te VERTETEN! Ne nenat per Alean, per Rexhinen.
Ftojme te gjitha nenat, vajzat e reja, te gjithe shoqerine ti bashkohet Homazhit per Rexhinen!
Neser ne oren 10:00 ne martenitetin e Elbasanit Te gjithe me nje qeri ne dore per Rexhinen tone 😭😭😭😭😭😭😭😭
Cdo njeri nga ne e ndjen se gjerat nuk mund te ecin me keshtu! Drejtesi per Rexhinen! Edhe une mund te jem Rexhina!
Ju bejme THIRRJE PER JETEN!
Ditën e sotme, gjykata e Elbasanit dha masën e sigurisë detyrim paraqitje për kardiologun Mehmet Ibaj dhe reanimatorin Niko Thana, të cilët akuzohen për “mjekim të pakujdesshëm” me pasojë vdekjen e Rexhina Debrovës. Ndërkohë që po zhvillohej procesi, para derës së gjykatës u mblodhën familjarët e Rexhina Debrovës, nënës që humbi jetën në maternitetin e Elbasanit. Ata protestuan me foshnjën e lindur para pak ditësh në duar. Familjarët akuzuan mjekët për neglizhencë, që sipas tyre, solli humbjen e jetës së të resë.
Sipas informacioneve paraprake nisur dhe nga autopsia, mjekët në Elbasan kanë përcaktuar se shkak i vdekjes ka qenë “tromboembolia pulmonare”. Megjithatë, do të priten rezultatet e ekspertimit mjeko-ligjor që do të përcaktojnë përfundimisht shkakun e vdekjes dhe të hedhë dritë mbi faktin nëse mjekët janë fajtorë ose jo. /bn/
