Nga Boldnews.al
Mahmut Gega 26 vjeç, i shpallur në kërkim për plagosjen e 28-vejçarit Elson Murataj, pasditen e së dielës në një restorant Fushë-Mëzez, është një person me precedentë të theksuar penalë.
DETAJE/ Atentati në Tiranë, kush është autori dhe bashkëpunëtorët (EMRAT)
Në vitin 2015, ai është arrestuar për një aksident me vdekje të ndodhur në Grezhdan të Dibrës. Sipas të dhënave të policisë të raportuara asokohe, nga aksidenti mbeti viktimë një grua 42 vjeçe dhe u plagosën dy të tjerë, pasi u përplasën nga mjeti tip “Audi” që drejtohej nga Gega.
Lidhur me këtë ngjarje, në vitin 2016, duke përfituar nga gjykimi i shkurtuar, Mahmut Gega u dënua me 2 vite burgim nga gjykata e Dibrës.
Pas këtij episodi, emri i Mahmut Gegës do të dilte në skenë në një tjetër ngjarje kriminale.
Më 20 Mars të vitit të shkuar, në Maqellarë, u ekzekutua me armë zjarri biznesmeni Elsi Kosiqi. Policia e Dibrës arrestoi si autor të dyshuar të vrasjes Mahmut Gegën.
EMRI-VIDEO/ Ekzekutoi 32-vjeçarin në Dibër, ja si u arrestua autori
Referuar raportimeve në media, gjykata e Dibrës e la në masën e sigurisë arrest me burg 26-vjeçarin, i cili para trupit gjykues mohoi të kishte gisht në krim.
Mbetet e paqartë se si Mahmut Gega u lirua më tej nga gjykata.
