Ish-dyshja e Skënderbeut, Xhejms Adeniji dhe Sabjen Lilaj në verën e 2018-tës u transferuan në kampionatin azer tek ekipi i Gabalas, aty ku janë duke kaluar një formë të mirë, por ai që po spikat më shumë është nigeriani. Xhejms është duke bërë një sezon të shkëlqyer, duke qenë golashënuesi më i mirë i skuadrës.
Sot, Gabala ka mundur Karababun në takimin e parë të gjysmëfinales së Kupës së Azerbajxhanit. Lilaj dhe Xhejms e filluan nga minuta e parë këtë takim.
Sulmuesi nigeriani shënoi golin e vetëm të ndeshjes në minutën 72-të, teksa finalizoi me sukses një kundërsulm të shpejtë të skuadrës së tij.
