Nga Boldnews.al
Në bashkinë Tiranë, kryetari Erion Veliaj dhe stafi i tij i piaristëve (propaganduesve mediatik), kanë ngritur shqetësimin e madh se po përfundojnë zonat ku Lali Eri mund të shfaqet në kronika televizive duke mbjellë pemë, lule, apo ngulur ndonjë stol. Nga 74 kronika të tre muajve të fundit, 41 i ka pasur vetëm me Parkun e Liqenit dhe disa kopshte në Tiranë.
Nën moton e mjelljes së pemëve, bashkia pasi ka dhënë çdo truall të mundshëm për ngritjen e kullave dhe pallateve, nuk ka më hapësira publike për të reklamuar punën e Erion Veliajt.
Janë rreth 1 milionë metra katrorë ndërtim të dhëna vetëm për vitin 2018, ndërsa shifra në total në katër vite si kryebashkiak është mëse e frikshme, duke kapur rreth 3 milionë metra katrorë ndërtim, beton e hekur në kryeqytet.
Ky histerizëm për të dhënë leje pallatesh e kullash në çdo hapësirë edhe të vogla, tashmë po i prish punën porsa i përket daljes në publik, si kryebashkiaku që po nderon pyllin orbital dhe ka gjelbëruar vendin.
Të gjitha kronikat me “mbjellje pemësh” dhe shkurresh janë kryer në zonën e Liqenit Artificial, në Unazën e Re në aksin Sauk-TEG dhe në dy brigjet e Lumit Lanë. Fakti që gdhin e ngrys vetëm në zonën e Liqenit Artificial në Tiranë është treguesi që po i rikthejnë kronikat e mëparshme në të njëjtat vende që janë reklaruar si të mbjella me pemë.
Ka mbetur vetëm bregu i Lumit Lanë, por edhe kjo pjesë ka dalë shpesh nëpër media dhe nuk po gjendet këndi i duhur që Lali Eri të flasë para kamerave. Sot për sot ky është “shqetësimi” që ngrenë në bashki dhe për këtë situatë është vënë në dijeni edhe kryebashkiaku.
I gjithë stafi, por edhe ai vetë, po mundohen të krijojnë zona të veçanta ku mund të shfaqen në televizor, pasi nevojitet që sa për imazh, pas Erion Veliajt të shfaqet gjelbërim.
Nuk dihet ende si do të veprohet, por po mendohet që Veliaj t’i kthehet keqas fshatit. Në projektligjin e fundit të qeverisë është sanksionuar se shteti mund të sekuestrojë prona private në zonat rurale të përfituara nga ligji 7501 dhe pyjet dhe kollatat nga Agjencia e Kthimit dhe Kompensimit të Pronave.
Një grup i konsideruar oligarkësh prej më shumë se dy vitesh kanë siguruar nga bashkia kontrata të dyshimta për marrjen në shfrytëzim për 99 vjet pyje dhe kullota në periferi të Tiranës. Nuk po mjaftohen vetëm me kaq, pasi drafti i ri ligjor do shkojë deri në sekuestrimin e pronave të qytetarëve, duke ua afruar më pas grupit të oligarkëve.
Gjeni një copë tokë për Lali Erin, për katër vite hapësirat urbane i zaptoi përfundimisht me kulla dhe pallate, tashmë ia ka vënë syrin fshtrave përreth kryeqytetit.
