Kryeministri Edi Rama dhe Ministri i Brendshëm, Sandër Lleshi, kanë qenë të papërmbajtshme ditët e fundit, pas ‘arrestimeve’ të supergrabitësve të Rinasit, të cilët në ditën me diellë vodhën 10 milionë euro.
Arrestimi i grabitësve do të ishte një lajm shumë i mirë, madje për këtë duhej përgëzuar edhe puna e policisë, nëse ata 5 që janë arrestuar nga policia do të ishin vërtetë grabitësit e këtyre 10 milionë eurove.
Përse 5 të arrestuarit nuk i kanë grabitur paratë dhe nuk janë ata grabitësit e vërtetë?
Përgjigjen e kësaj pyetjeje na e ka dhënë vetë Minsitri i Brendshëm. Sandër Lleshaj, pak ditë më parë me deklarata e tij se: ‘Jemi shumë pranë arrestimit të grabitësve’. ‘Paratë mund të jenë djegur’.
‘Jemi shumë pranë kapjes së grabitësve’
Çdo profesionit që ka punuar në polici e di shumë mirë se gjatë periudhës së hetimit asnjëherë nuk deklarohet se: ‘Jemi shumë pranë arrestimit të grabitësve’. Pasi një deklaratë e tillë është dekonspirimi i punës së policisë. Në këto raste thuhet se vijon puna dhe po punojmë çdo ditë për kapjen e autorëve, pa dhënë afate shpejt apo gjatë, afër apo larg.
‘Paratë edhe mund të jenë djegur’
Ky ishte dhe gabimi i dytë i ministrit Lleshaj, i cili u përforcua edhe me arrestimin e sotëm, se i gjithë ky aksion policor nuk është gjë tjetër veçse një tjetër Teatër i Rilindasve. Elton Pikli ishte dhe grabitësi i 5-të i arrestuar, por deri më tani asnjë cent nga paratë e grabitura nuk është gjetur.
Ku e dinte Ministri Lleshaj, ende pa u arrestuar asnjë prej grabitësve, se paratë edhe mund të jenë djegur?
Edhe përgjigjen e kësaj pyetjeje e dimë. Nëpër filma regjisori dhe skenaristi e dinë shumë mirë se si mbaron filmi, ata që se dinë jemi ne publiku i thjeshtë.
Përfundimi është se edhe këtë herë ‘Filmi’ i Rilindjes ashtu si dhe në rastin ‘Babale’, pati jo vetëm një skenar të dobët por edhe aktorë që e luajtën shumë keq rolin.
Tani të presim filmin e tretë të Rilindjes ‘Si do t’i realizojmë pa opozitën zgjedhjet e 30 qershorit’. BoldNews.
