Kreu i Unionit të Gazetarëve, Aleksandër Çipa i ftuar në emisionin “Tempora” në RTV Ora deklaroi se Ambasada jonë në Holandë duhet të ishte në këto momente në një numër më të konsiderueshëm dhe me kredite më të larta dhe duhet ta parandalonte vendimin për kthimin e vizave.
Çipa e ka pyetur Ulsi Manjën se cili ishte ambasadori i Shqipërisë në Holandë, por Manja është zënë ngushtë, pasi nuk e dinte.
Pjesë nga biseda në studio:
Aleksandër Çipa: Ambasada jonë në Holandë që duhet të ishte në këto momente në një numër më të konsiderueshëm dhe me kredite më të larta dhe duhet ta parandalonte. Ose me informacionin që duhet t’i përcillte diplomacisë shqiptare, qeverisë shqiptare, diplomacisë shqiptare që investojnë PR kombëtar për këtë çështje. Maqedonia ka rreth 4 milion euro në vit për atë që quhet turizëm mes Holandës dhe Maqedonisë. Janë dy linja në javë në Ohër që e ofrojnë masëne turistëve drejt Maqedonisë së Veriut.
Çipa-Manjës: Kush është Ambasadorja e Shqipërisë në Holandë? Kjo ka shumë rëndësi.
Ulsi Manja: Kjo s’ka shumë rëndësi.
Aleksandër Çipa: Ka shumë rëndësi. Nuk e di në Shqipëri kush është ambasadore. Ambasada e Holandës në Shqipëri është Ambasada që ofron setin më të madh të projekteve në Shqipëri. /Oranews/
