Indrit Hoxha, aktivist i PD-së dhe një prej kandidatëve të kësaj partie për deputet në Qarkun e Tiranës, ka reaguar përmes një postimi në rrjet lidhur me komentet që janë bërë në adresë të tij pasi KQZ e njoftoi për marrjen e mandatit të deputetit.
Hoxha kohë më parë shkruante në rrjet se opozita duhej të dorëzonte mandatet e deputetëve, ndërsa sot ende nuk ka vendosur nëse do të refuzojë apo do të marrë mandatin.
Përmes një postimi në rrjet ai i është drejtuar miqve durim dhe respect deri në marrjen e një vendimi final mbi atë se ccfarë do të bëjë.
Postimi i Indrit Hoxha
Miqte e mi,
Me keqardhje dhe tejmase i surprizuar kam lexuar me qindra statuse e komente qe hedhin balte e vrer ndaj meje e familjes sime keto 3 ditet e fundit. Une jam Indrit Fatmir Hoxha dhe rrjedh nga nje familje e cila luften me sistemin komunist e nisi qe me 8 nentor te vitit 1941. Stergjyshi im Beçe Turani, u denua me pushkatim ne vitin 1945 pasi u shpall armik i popullit dhe i partise komuniste. Po ne te njejtin vit, gjyshja ime Dituri Hoxha, u denua me burgim vetem se ishte e bija e Beçe Turanit. Serish ne 1945, tre dajallaret e babait tim u denuan me 25 vite burg secili dhe u derguan ne burgun e Burrelit. Tezja e babit tim, Hatixhe Kulla u vra brenda ambjenteve te hetuesise Hoxhiste si agjente Anglo Amerikane. Daja tjeter i babait, Islam Turani u vra nga killer me porosi te sigurimit te shtetit ne Zelanden e Re ne vitin 1979, pasi ja kishte dale te arratisej nga Shqiperia, me arsyen se do rikthehej ne vend per te vrare Diktatorin Enver Hoxha.
Xhaxhai im Haki Hoxha krijoi per here te pare Sindikaten e Pavarur te Shqiperise ne vitin 1991, duke u zgjedhur kryetar i pare i saj. Pas ketij veprimi, Ramiz Alia denoi ne vitin 1991 dy xhaxhallaret e mi, Haki dhe Durim Hoxha sebashku me babain tim Fatmirin, me pushkatim. Ky akt kriminal i Ramiz Alise gjendet i dokumentuar ne Arkiven e Ministrise se Brendshme, e cila ne ate kohe drejtohej nga Gramoz Ruci. Ky veprim detyroi familjen time te arratisej ne drejtim te Zvicres, per tu rikthyer ne Shqiperi ne vitin 1994, kur regjimi komunist ishte rrezuar nje here e pergjithmone.
Gjate qeverisje socialiste ne vitet 1997-2005, babai im organizoi protestat e te perndjekurve politike qe kerkonin demshperblimin financiar per vitet e kryera padrejtesisht ne burg gjate regjimit komunist. Gjate ketyre viteve, me porosi dhe urdher direkt te Fatos Nanos babi im u arrestua 153 here, fakte keto lehtesisht te verifikueshme nga te dhenat e Drejtorise se Pergjithshme te Policise se Shtetit.
Me rikthimin e PS ne pushtet ne vitin 2013 dhe ardhjen ne krye te qeverise se Edvin Kristaq Rames, pinjoll i nomenklatures komuniste, babai im serish e gjeti veten organizator te greves se urise se te perndjekurve politike ne vitin 2014, duke kerkuar dekomunistizimin e politikes shqiptare. Gjate viteve 2014-2017 une personalisht jam arrestuar 7 here nga Policia e Shtetit dhe jam denuar padrejtesisht, me procese te montuara politike, 2 here.
Ne vitin 2014 jam denuar me gjobe 2 milione leke, ne cilesine e koordinatorit te Departamentit te Perndjekurve Politike ne PDSH, si organizator i protestave kunder rikthimit te simboleve te diktatures, me ndertimin e bunkerit perpara Ministrise se Brendshme. Sebashku me drejtuesin e Departamentit te Perndjekurve Politike ne PDSH ne po kete vit, kam qene pjese e nje reportazhi special te BBC mbi kete teme, ku kam etiketuar Edi Ramen si Enver Hoxhen e dyte te Shqiperise. Me pas ne vitin 2015, jam denuar serish nga gjyqtaret e bandes se Aldo Bares, Artan Gjermeni, si organizator i FRPD per protestat kunder betonizimit te liqenit te Tiranes nga ana e kryemashtruesit Erion Veliaj.
Per te gjithe historikun tim personal e familjar, ne shenje respekti per kontributin tim politik per te djathten shqiptare dhe Partine Demokratike, do kerkoja nga gjithsecili prej jush vetem pak durim. Durim ne shenje respekti per vendimin tim personal ne lidhje me kerkesen e ardhur nga KQZ per te pranuar mandatin e Deputetit te Kuvendit te Shqiperise. Do kerkoja gjithashtu besimin dhe mbeshtetjen tuaj te palekundur, deri ne momentin final kur vendimarrja ime te jete publike per te gjithe shqiptaret. Shqiperia si e gjithe Europa mbetet enderra ime dhe e cdo bashkmoshatari tim.
