Gamës së partive demokrate i është bashkuar edhe partia që solli në pushtet Edi Ramën në zgjedhjet e vitit 2013. Sot e drejtuar nga Monika Kryemadhi, LSI ka zyrtarizuar vendosjen e saj në të njëjtën linjë politikë me partike demokratike opozitare.
Monika Kryemadhi në një deklaratë për mediat pas firmosjes së marrëveshjes me 10 pika për koalicionin opozitar, me PD dhe aleatët politikë, u shpreh se kjo ditë marrëveshje është flamuri i shpresës për të gjithë shqiptarët.
Ajo tha se nuk ka asnjë tërheqje dhe se nuk do të futen në zgjedhje me Edi Ramën si kryeministër.
“Aksionit opozitar i shtohet një element tjetër shumë i rëndësishëm. Është shumë e qartë se kjo vjen si rezultat i axhendës sonë opozitare, e cila sot përfundon me nënshkrimin e një kolacioni të përbashkët përballë një shteti të kapur.
Kjo marrëveshje garanton zgjedhje të lira e të ndershme. Në Shqipëri do ketë vetëm zgjedhje të lira dhe të ndershme, që shqiptarët të zgjedhin atë që duan. Kjo marrëveshje është flamuri i shpresës për shqiptarët. Shqipëria është shtëpia e shqiptarëve, kemi për detyrë t’ju garantojmë të gjithë infrastrukturën dhe sistemin e nevojshëm për të qëndruar këtu”, u shpreh Kryemadhi.
