Protesta e Banorëve të Unazës së re u mirëprit dhe u mbështet nga të gjithë qytetarët, pasi ata kërkonin të mbronin banesat e tyre, por mesa duket ata nuk e kanë kuptuar drejt këtë mbështetje.
Që prej fillimit banorët e Unazës së re, nuk i kanë shpallur luftë vetëm qeverisë dhe atyre që duan tu prishin shtëpitë, por ju kanë shpallur luftë dhe qytetarëve shqiptarë, atyre hallexhinjve që pas pune të lodhur të rrakapitur duan të shkojnë në shtëpi tek fëmija.
Banorët e Unazës së re i kanë shpallur luftë qytetarëve të ndershëm të këtij vendi, pasi nuk lejojnë më as urgjencat që të kalojnë në rrugë, pasi tashmë e kanë bërë zakon që të pushtojnë rrugën ku kalojnë makinat.
Këta protestues që pretendojnë se shteti po i dhunon dhe po ju shkel të drejtat duke ju prekur shtëpitë, po bëjnë të njëjtën gjë ndaj qytetarëve të ndershëm të këtij vendi, duke i mbajtur çdo ditë peng.
Ata nuk po lejojnë të kalojnë në një rrugë ku dhe nëse janë vjedhur, janë vjedhur paratë e të gjithë taksapaguesve, jo vetëm të tyre.
Banorët e Unazës së re harrojnë që qytetarët shqiptarë nuk ju kanë asnjë borxh, dhe se atë rrugë askush nuk e përdor për qejf.
https://www.facebook.com/partiademokratike/videos/702748740140847/
