Nastradini Ramë, paratë që nise në Francë janë haram për “Notre Dame”

Nga Boldnews.al

Qeveria shqiptare vendosi sot të akordojë nga fondi rezervë i shtetit 100 mijë euro për qeverinë franceze, për rindërtimin e Kadedrales së “Notre Dame” në Paris, që u përpi nga zjarri i tmerrshëm. Më tepër se shuma, vlen gjesti, imazhi, emri, Shqipëria, propaganda për Edi Ramën. Listohet edhe emri i Shqipërisë në rindërtimin e veprës së madhe kulturore.

Loading...

Ato 100 mijë euro janë “haram” në duart e një kryeministri si Rama. Sot objektet tona të trashëgimisë kulturore i ka rrënuar koha, abuzimi shtetëror dhe makutëria e ndërtimeve me firmën e zyrtarëve të Rilindjes.

Me ata 100 mijë euro të Shqipërisë, mund të rikthehet një “dritare” e Katedrales së famshme të “Notre Dame”, por paraja e vjedhur në xhepat e një populli, në një objekt kulti nuk shkon… Sugjerimi për qeverinë franceze në këtë rast është që shumën e mbërritur nga duart e përlyera të një qeverie arrogante, të zhytur në pusin e pafundmë të korrupsionit, të shpërndahet për lëmoshë, në ndonjë qendër azilantësh.

Aty në Francë, ku ka mijëra shqiptarë që jetojnë në mizerje, që bredhin rrugëve të pashpresë, e natën e kalojnë në çadra poshtë urave. Parisi le ta marrë vesh që ai emigranti i dikurshëm që shëtiste në botën “Boheme-Barbone”, sot është kthyer në dhunuesin e qyetarëve të tij, në shkatërruesin e çdo objekti kulti apo kulture.

LEXO EDHE  "Rinasi"/ Akuza e fortë: Po përgatitet dëshmitari i rremë, dhjetëra mija euro...

Kryeministri ynë që ka rrafshuar me tokën çdo objekt të trashëgimisë kulturore në Tiranë dhe Shqipëri, sot derdh lot për Katedralen në Paris. Kisha e Apostujve në Hoshtevë të Zagorisë, një prej monumenteve më të rrallë të kultit dhe artit të mesjetës së vonë, prej vitesh rrezikon shembjen. Sot ajo është duke u rrënuar përfundimisht. A nuk pati shteti ynë 100 mijë euro për restaurimin e saj?

Po në Zagori, një tjetër vepër e rrallë, ura mesjetare, sot nuk është më. Ajo u përpi nën rrënoja pak kohë më parë. Kryeministri Rama që e quan veten artist, ka tjetër botë… Ajo është virtualiteti, pikturat abstrakte, dritëhiqejt në mendjen e një përbindëshi që shemb me koshiencë trashëgiminë e një kombi dhe ndërton kulla, rikonstrukton lapidare të kohës së komunizmit dhe rikthen në jetë bunkeret e sistemit.

Pasi ka rikthyer artin e “realizmit socialist”, po vendos edhe një neodiktaturë, një shtet policor dhe qeveri arrogante. Nëse në Paris tymi i zi mbuloi Katedralen e “Notre Dame”, në Tiranë gazi lotsjellës lëshonte shtëllunga helmuese ndaj protestuesve. Janë euro “haram” ato të Shqipërisë, bëj kujdes Francë!

Loading...
Loading...