Replika në parlament mes kryeministrit Edi Rama dhe deputetes Rudina Hajdari. Deputetja u shpreh se shqiptarët largohen nga vendi pasi nuk sigurojnë dot nevojat jetike, denoncoi mungesën e investimeve të huaja dhe tha se kreu i qeverisë s’duhet të vetëkënaqet me vendimin e KE-së për rekomandimin për negiociatat.
Emigracioni
Kryeminatori Edi Rama, duke u ndaluar te largimi i shqiptarëve nga vendi, tha se ky është një fenomen që ndodh edhe me kombe të tjera, duke përmendur konkretisht kroatët. Vetëm vitin e kaluar u larguan 100 mijë kroatë, u shpreh kreu i qeverisë nga foltorja e Kuvendit.
Në replikë me shefin e ekzekutimit, deputetja Rudina Hajdari tha se realiteti i kroatëve me atë të shqiptarëve është shumë i ndryshëm.
“Krahasimet janë bërë si filmat që shihni që ndodh andej dhe ndodh edhe këtu. Kroatët dhe sllovenët lëvizin se kanë dëshirë të marrin rroga. Kurse shqiptarët ikin në mënyrë masive se këtu nuk i sigurohen gjërat minimale, ikin për ushqimet që nuk i kanë, ato marrin çdo lloj sakrifice përsipër, qoftë humbjen e jetës gjatë transportit në këto vende. Paketohen në kamionë në mënyrë të frikshme, se s’u jepet asnjë lloj mundësie për të jetuar në Shqipëri”, tha ajo.
Investimet e huaja
“E dini shumë mirë se prej shumë kohësh s’kemi investime të huaja. Të thuash janë këto projektet në plane, asnjë herë si shohim në realitet se shumë investitorë të huaj që vijnë largohen nga vendi jonë për arsye që ju i dini shumë mirë. Vizitorët vijnë këtu se jemi një vend i bekuar me këtë klimë, me këtë vend se s’ka të bëjë fare me qeverinë tuaj. Vizitorët shkojnë dhe në Afrikë dhe marrin parasysh rreziqet. Duhet vërtetë të mendojmë realisht si ta luftojmë këtë imazh qe kemi në Evropë. Pse quhemi delja e zezë dhe mos t’i ofendojmë demokratët se dalin në shesh për hallet e tyre”, tha Hajdari.
Integrimi
“Të jeni të kënaqur thjeshtë se komisioni na jep një rekomandim pa kushte duhet të jeni të kënaqur kur të garantohet hapja e negociatave. Këto të tjerat thjeshtë janë procedura. KE si njeh realisht në çdo vend dhe s’varet nga KE vendimi, duhet të angazhohemi me vendet skeptike si Danimarka, Franca dhe Holanda. KE s’i njeh realitetet në çdo vend dhe s’varet nga KE vendimi, duhet të angazhohemi me vendet skeptike si Danimarka, Franca dhe Holanda”, u shpreh Rudina Hajdari. /BN/
