Partia Demokratike ka mbledhur ditën e sotme kryesin dhe ka diskutuar rreth zgjedhjeve lokale që do të zhvillohen më 30 Qershor.
Burime bëjnë me dije se në këtë mbledhje kryetari i Partisë Demokratike, Lulzim Basha, i propozoi kryesisë marrjen e tre vendimeve të rëndësishme.
Vendimet janë si më poshtë.
1. Partia Demokratike e Shqipërisë të regjistrohet në zgjedhje vetëm pasi të jenë krijuar kushtet për zgjedhje të lira dhe të ndershme.
2. Partia Demokratike e Shqipërisë të mos lejojë mbajtjen e zgjedhjeve fasadë, që shkatërrojnë demokracinë dhe vullnetin e qytetarëve shqiptarë.
3. Të mandatojë Kryetarin e Partisë dhe Sekretarin e Përgjithshëm për të negociuar me partitë politike të opozitës marrëveshjen për garantimin e zgjedhjeve të lira dhe të ndershme, mbrojtjen e interesit publik dhe formalizimin e aksionin opozitar për arritjen e këtyre qëllimeve.
