Lëvizja Socialiste për Integrim ka kallëzuar penalisht drejtuesin e komisariatit nr.4 Agim Hoxha, në Prokurorinë e Tiranës. Kallëzimi lidhet me dhunën e ushtruar ndaj qytetares që mbronte banesën e saj në Bregun e Lumit, thanë burime nga LSI.
https://www.facebook.com/SaliBerisha/videos/374225223433213/?v=374225223433213
Dhuna Policore
Më herët gjatë ditës së sotme, efektivë të policisë ë Shtetit dhe asaj bashkiake zbarkuan te “Bregu i Lumit” në kryeqytet, në mbështetje të INUK, që shembi disa nga banesat në këtë zonë. Efektivët e policisë ushtruan dhunë ndaj banorëve duke i shtyrë, goditur, e mos lejuar të futeshin banesat e tyre.
Në media u publikuan pamjet kur Agim Hoxha, shefi i komisariatit numër 4, goditi me shpullë një zonjë me patericë.
Një tjetër pamje e pushtetit të dhunshëm ishte ajo e dorës së një efektivi të policisë bashkike, e mbërthyer në fytin e ish-deputetit të PD-së Klevis Balliu.
Kjo është hera e dytë që brenda pak ditësh, policia ushtron terron te banorët e “Bregut të Lumit”. Ndryshe nga 9 prilli, e vetmja ‘arritje’, siç raportoi një gazetare nga terreni në lidhjen drejtpërdrejtë në një kanal televiziv ishte se, “sot, policia nuk përdori gaz lotsjellës” ndaj grave dhe fëmijëve. /bn/
