Fatkeqësia që ndodhi në Paris gjatë ditës së djeshme është kthyer në kryefjalën e këtyre ditëve. E me shumë gjasa jehona e zjarrit në Katedralen e Parisit do të vazhdojë ende gjatë, por bashkë me të edhe pseudo-ekspertët dhe ata që kanë vizituar katedralen.
Të shumta kanë qenë reagimet e njerëzve lidhur me këtë ngjarje por njëri prej tyre spikat, sipas gazetares Rezarta Çaushaj. Bëhet fjalë për statusin e Artan Shkrelit i cili ka kritikuar sistemin mbrojtës të Katedrales së Parisit ndërkohë që për Tiranën nuk thotë asnjë fjalë.
” Artan Shkreli Para pak ditësh u thoshte atyre që ishin përmbytur t’i linin dramat dhe të shijonin poezinë e shiut. Sot kritikon për masat antizjarr ndaj Notre Damit, nga një vend i cili është aq i përdhosur në kulla sa nga zjarri të mbron Zoti se zjarrëfiksja nuk ka nga futet. Z. Shkreli gjithashtu nuk ka hapur gojën qyshkur ka ardhur në pushtet për shkatërrimin e objekteve me rëndësi kulturore në vendin e vet. Nuk ka faj! Nuk krahasohet historia jonë kulturore e arkitektonike me atë të Parisit.”
