Kryeministri Edi Rama dhe drejtori i Portit të Durrësit Agron Tare kanë ngritur zërin ditët e fundit ndaj njëri- tjetrit, ose më saktë ka qenë Rama ai që është acaruar, bëjnë të ditur burime pranë drejtorit të AP Durrës.
Shkak i këtij incidenti ka qenë një urdhër i kryeministrit për të punësuar një ish student ekselence, i cili dhe pse ishte vendi i punës dhe pse kishte mbaruar shkëlqyeshëm shkollën, endej dyerve të portit dhe partisë për të gjetur punë.
Sipas burimeve ish studenti i ekselencës kishte zhvilluar disa takime dhe kishte kërkuar disa herë punë, madje duke ditur që kishte vende bosh dhe madje ishte tamam në profilin e tij. Edhe pse ishte përcjellë me fjalë të mira ai nuk ishte thërritur për t’u punësuar, ndërsa drejtori me servilët e tij kishin piketuar tjetër njeri, por pa dhënë sqarime për çfarë arsyesh, po me siguri për zemërgjersinë që e karekterizon kreun e AP Durrës.
Por duket se një ditë të bukur i riu ka humbur durimin dhe i ka shkruar kryeministrit të vendit për problematikën që po haste për të filluar punë.
Ka qenë e menjëhershme lëvizja e Kryeministrit i cili ka telefonuar kreun e Portit të Durrësit duke i bërë prezent shqetësimin e ish studentit që kishte mbaruar me nota të shkëlqyeshme dhe mesa duket ka marrë miratimin e tij për ta sistemuar sa më shpejt.
Por edhe pas kësaj telefonate asgjë nuk ka ndodhur, ndërsa pas fjalëve të mira djali detyrohej të shkonte në shtëpi vetëm me premtimin hajde javën tjetër. Një sms e dytë për Kryeministrin dhe natyrisht një reagim me tone të tjera i këtij të fundit ndaj drejtorit të Portit ka bërë që ai të thërritej në punë.
Por jo të gjithë tundohen nga fjalët e kryeministrit. Ish studenti e ka parë veten i punësuar në një firmë private edhe pse ishte brenda portit. Ndërkohë që vazhdon odiseja e sms mes djalit dhe kryeministrit, ky i fundit ka telefonuar drejtorin e portit, ku mësohet ti ket thënë se nuk e ka dërguar aty për t’i bërë karshillëk atij po për të bërë punën dhe puna bëhet duke marrë në administratë njerëz që janë të aftë, duke nënkuptuar në këtë rast djalin në fjalë që kishte komunikuar me të, shkruan Bulevard news.
Këtë radhë Rama nuk ka lënë shumë vend për t’u menduar apo pritur, ndërsa duket se i ka kujtuar Agron Tares reaksionin e madh që krijoi emërimi i tij në Durrës nga vetë Rama.
Agron Tare u emërua pak kohë më parë në drejtimin e portit të Durrësit, duke u bërë drejtuesi i tretë pas Qiricit dhe Bakajt, të dy emra të njohur të PS në Durrës.
