Sot ishtë një ditë vendimtare. Dita e betejës finale të Skënderbeut me UEFA-n, në Gjykatën e Arbitrazhit Sportiv.
Prej orëve të para të mëngjesit, presidenti Ardjan Takaj i shoqëruar nga menaxheri i përgjithshëm i klubit dhe njëkohësisht djali i tij, Gerhardi, janë paraqitur përpara panelit dëgjimor të CAS-it në Lozanë.
Një seancë maratonë e cila përfundoi në orën 19:00 të mbrëmjes.
Sipas disa burimeve të brendshme në klubin e Skënderbeut, duket se drejtuesit e ekipit edhe pas seancës dëgjimore mbajnë të njëjtin qëndrim dhe janë të bindur se peshorja do të anojë në anën e tyre dhe do të shpallen të pafajshëm.
Vendimi pritet të dalë pas tre javësh dhe pritet të gëzojë jo vetëm korçarët por gjithë shqiptarët që ky klub i bëri krenarë në arenën europiane.
