Trajneri i Skënderbeut, Orges Shehi, foli për mikrofonin e “Supersport” pas triumfit 4-0 ndaj Kastriotit në kampionat, duke u shprehur:
“Skuadra i ka mundësitë. Kemi qenë ne ata që kemi bërë mirë dhe kemi humbur ndeshjet nga episodet, kemi qenë në gjumë në disa raste. Skuadra i ka mundësitë. Ndoshta s’jemi aty ku duhet. Do bëjmë çështje e mundur të mos gabojmë më”.
Çfarë ju motivoi të shënonit 4 gola ndaj Kastriotit?
Ne na motivon ajo që dhe pak javë janë. Kemi gabuar shumë. Që të arrijmë objektivat nuk duhet të gabojmë më. Për sa i përket skarcimeve, nuk mendoj se është shumë e saktë ajo çfarë është folur. Lojtarët janë pjesë e jona, ka kontrata. Për ndërhyrja ka nevojë Reali dhe Juvja. Sigurisht që do të përforcohemi. Shumica e lojtarëve do të jenë, por asgjë nuk është e sigurtë. Shumica do konfirmohen.
Ndryshimet në formacion…
Në varësi të ndeshjeve dhe situatave do të bëjmë ndryshime. Sot na u rikthye Radasi. Përdorëm edhe Pervanin sot, të tjerët ishin të njëjtë. Pëllumbi është djalë i ri, do të mundohemi të menaxhojmë mirë. Me Gripshin jam i kënaqur, se kur u fut dha shumë.
Pozicioni i Pervan dhe Muzakës në fushë. Radas jep siguri në mbrojte…
Radas është kapiten i skuadrës. Na mungoi në Gjirokastër për problem familjar. Ka ndenjur shumë ditë jashtë skuadrës. Ndaj Partizanit nuk ishte në kondicionin e duhur. Radas është shtylla jonë mbrapa.
