Erzen Uka ish komando i ushtrisë, i cili ka shërbyer në Irak dhe Afganistan në vitin 2011 është arrestuar nga zyra Antiterrorit në Policinë e Shtetit si person i dyshuar me prirje radikale dhe ka nxitur urrejtje me qëllim kryerjen e veprave terroriste.
29-vjeçari me origjina nga Kruja kishte që në vitin 20017 nën survejim nga autoritet ligjzbatuese vendase. I arrestuari konsiderohet person me rrezikshmëri të lartë.
Mbi Ukën rëndon edhe akuza e stërvitjes për kryerjen e veprave penale me qëllime terroriste. Në kanalin personal në “YouTube” ai ka postuar video ku shihen dy djemtë e tij të mitur, duke u stërvitur.
Nga këqyrja e profileve në rrjetet sociale ai është një mbështetës i shtetit islamik.
29-vjeçari është i divorcuar dhe ka qenë i proceduar me parë për dhunë në familje. Pas divorcit kujdestarinë e dy fëmijëve e fitoi ish-bashkëshortja, por vendimi i gjykatës nuk u zbatua. Të martën ish-komandoja pritet të dalë para gjykatës së Krimeve te Rënda për tu njohur me masën e sigurisë. /bn/
