Autori i dyshuar i ngjarjes së ndodhur me datë 6 Maj 2017 në Shkodër, ku mbeti i plagosur Nelson Hysa, ish-boksieri i ekipit të Vllaznisë, u arrestua. Lajmin e konfirmuan këtë të hënë burime zyrtare nga policia e Shkodrës.
Në pranga u vu Valter Ksolla, 23 vjeç, banues në Lagjen “Mark Lula”, Shkodër.
Arrestimet
“Ndalimi i tij u bë pasi Gjykata e Shkallës së Parë Shkodër, ka caktuar masën e sigurisë ‘Arrest në burg’, për veprat penale të Vrasjes me paramendim, e kryer në bashkëpunim’ mbetur në tentative, dhe “Prodhimi e mbajtje pa leje e armëve dhe municioneve luftarake”, parashikuar nga nenet 78, 22, 25 e 278 të Kodit Penal, pasi është autor i dyshuar për ngjarjen e ndodhur me datë 06.05.2017”, njoftoi Policia.
“Gjithashtu si rezultat i këtij operacioni u arrestuan në flagrancë shtetasit N. K., 32 vjeç dhe K. K., 25 vjeç, banues në fshatin Grudë e Re, (vëllezër) për veprat penale të ‘Përkrahja e autorit të krimit’, ‘Prodhimi e mbajtja pa leje e armeve dhe municioneve luftarake’ dhe ‘Kanosja’, parashikuar nga nenet 302, 84 e 278 të Kodit Penal, pasi këta dy shtetas kishin strehuar në banesën e tyre shtetasin në kërkim dhe dyshohet se me datë 14.04.2019 kanë qëlluar me armë zjarri në drejtim të banesës së shtetasit L. A., 50 vjeç, banues në fshatin Grudë e Re, Shkodër”, shtuan të njëjtat burime.
Materialet iu referuan Prokurorisë së Rrethit Gjyqësor Shkodër për veprime të metejshme.
Anëtar i grupit Bajri”
Në muajin mars, Policia arrestoi Nelson Hysën, i shpallur në kërkim që prej vitit 2018, si pjesë e grupit kriminal të Bajrajve në Shkodër. Ai akuzohet për trukim ndeshjesh.
“Ai u kap në një banesë të marrë me qera në zonën e Komunës së Parisit Tiranë, gjatë operacionit të zhvilluar mëngjesin e sotëm nga Njësia Hetimore Qendrore në bashkëpunim me Drejtorinë e Forcës Posaçme Operacionale, në Departamentin e Policisë Kriminale dhe Prokurorinë e Krimeve të Rënda. Njësia Hetimore Qendrore për të lokalizuar vendndodhjen e personit të shpallur në kërkim ka bashkëpunuar me Drejtorinë Vendore të Policisë Tiranë dhe Shkodër”, njoftoi Policia asokohe. /BoldNnews/
