VIDEO/ Bardhi në Prokurori: Lleshaj mbetje e komunizmit! Apeli i fortë për gjyqtarët dhe prokurorët që…

Sekretari i Përgjithshëm i Partisë Demokratike, Gazmend Bardhi e quajti ministrin e Brendshëm Sandër Lleshaj “mbetje të komunizmit”. Deklaratën e bëri pasi doli nga prokuroria e Tiranës, ku u thirr lidhur me padinë e bërë më herët nga PD ndaj ministrit Lleshaj dhe policisë për përdorimin e gazit lotsjellës në protestat e opozitës. Në një prononcim për gazetarët, ai lëshoi një apel edhe atyre gjyqtarëve, që siç u shpreh, “i shërbejnë qeverisë”.

“Thirrja ishte nga prokuroria për të dhënë sqarime për padinë ndaj Ministrit të Brendshëm dhe policisë. Kam dhënë të gjitha faktet dhe provat e disponuara nga PD dhe sqarimet mbi veprimet e kundraligjshme të efektivëve të policisë që me urdhër politik kanë penguar qytetarët për të ushtruar të drejtën e protestës. Prokuroria ka detyrim ligjor që nga raportimet në media të nisë kryesisht hetimet ndaj drejtuesve të Policisë. Kjo s’ka ndodhur dhe e ka detyruar PD-në të bëjë kallëzim. Prokuroria mos të bëhet shtojnë e Policisë, por të mbrojë të drejtat e shqiptareve, prokuroria duhet të ushtrojë përgjegjësitë e veta. Ka 40 qytetarë që janë në burg se kanë ushtruar të drejtën e protestës, s’ka pamje filmike që kanë kryer veprime të dhunshme. Ndërkohë, s’ka asnjë hetim ndaj atyre që kanë dhunuar qytetarët. Kryeministri tha se protesta ishte ngjarje kriminale, ndërsa grabitja në Rinas  një incident. Tentohet ti shtypet koka me çdo mjet çdo qytetari që ngre kokën. Por s’do ta lejojmë”, tha Bardhi.

LEXO EDHE  Plagosje me thikë, arrestohet 64-vjeçari/ Detajet

“Ata gjyqtarë dhe prokurorë, s’kanë për ta kaluar vetingun duke i shërbyer në mënyrë kriminale qeverisë. Fundi i tyre do jetë i njëjtë me atë të kësaj qeverie kriminale”, shtoi.

I pyetur nëse i trembet ndonjë arrestimi të mundshëm pas disa procedimeve të policisë si organizator i protestave të opozitës, Bardhi tha që nuk ka frikë dhe e cilësoi Lleshajn mbetje të komunizmit, që “quan puç kushtetues të drejtën për të protestuar”.

“S’do ketë as një ministër të Brendshëm, asnjë drejtues policie që mund të trembë qytetarët për të ushtruar të drejtën e protestës”, u shpreh. /bn/

LIVE

LIVE – Sekretari i Pergjithshem i PD, Gazment Bardhi, deklaratë për mediat.

Gepostet von Partia Demokratike e Shqipërisë am Montag, 15. April 2019