Napoli i shtyn festën Juventusit, që i duhet thjesht një pikë për të siguruar matematikisht titullin kampion, por dërgon zyrtarisht në Serinë B, Chievon, që me humbjen 1-3 në “Bentegodi”, nuk ka më asnjë mundësi, qoftë matematikore për të qëndruar mes më të mirave të Serisë A.
Progatonist absolut i kësaj ndeshjeje rezultoi mbrojtësi i Napolit, Koulibaly, që hapi dhe mbylli llogaritë me veronezët në zhvillimet e goditjes së këndit në minutat 15’ de 81’. Ndërmjet dygolëshit të senegalezit realizoi edhe sulmuesi polak, Milik (64), ndërsa në minutën e fundit të kohës së rregullt shënoi një gol me vlerë thjesht statistikore Cesar.
Në takimet e tjera spikat fitorja 2-0 e Sampdorias në derbi me Genoan, Torino – Cagliari u mbyll në barazim 1-1, por pati 3 kartonë të kuq, 1 për vendasit e 2 të tjerë për ishullorët, ndërsa me rrjeta të paprekura përfunduan Fiorentina-Bologna dhe Sassuolo-Parma.